ملکی خبریں

پاکستان میں مہنگائی کی شرح ساڑھے 4 سال کی بلند ترین سطح پر پہنچ گئی

  • 33
    Shares

پاکستان میں مہنگائی میں روز بروز اضافہ ہورہا ہے اور اب ادارہ شماریات کے اعداد شمار نے بھی گواہی دے دی ہے کہ مہنگائی ساڑھے چار سال کی بلند ترین سطح پر پہنچ چکی ہے گوکہ تحریک انصاف کے وفاقی وزیر تعلیم شفقت محمود کا دعویٰ ہے کہ مہنگائی میں زیرو فیصد اضافہ ہوا ہے

تاہم ادارہ شماریات کچھ اور ہی کہانی سنارہاہے ادارہ شماریات کے اعداد و شمار کے مطابق مطابق ملک میں ایک سال کے دوران مہنگائی کی شرح 7.19 فی صد تک پہنچ گئی جس کی وجہ سے چینی، دال، پھل اور سبزی سمیت سب اشیاء مہنگی ہوئیں۔ دسمبر کے مقابلے میں جنوری میں مہنگائی مجموعی طور پر ایک فیصد بڑھ گئی۔

جنوری میں بجلی کا ٹیرف ساڑھے 8 فیصد بڑھ گیا جب کہ ادویات کی قیمتوں میں 15 فیصد ہوا۔ گھروں کے کرائے میں 2.38 فیصد اضافہ ہوا، ٹماٹر 28 فیصد، چینی 6 جبکہ پھل 3 فیصد مہنگے ہوگئے۔ دالوں اور خشک میوہ جات کی قیمتوں میں بھی 2،2 فیصد اضافہ ہوا۔

سالانہ بنیاد پر گیس کی قیمت میں سب سے زیادہ 85 فیصد اضافہ ہوا اور 50 فیصد اضافے کے ساتھ بسوں کے کرایوں میں بھی اضافہ ہوگیا۔

صحت کی سہولیات 8.40 فیصد مہنگی ہوئیں، سگریٹ 20 فیصد، ڈیزل 19، ایل پی جی گھریلو سلنڈر 15 جب کہ چائے کی پتی 17 فیصد مہنگی ہوئی۔ کاسمیٹکس، پانی اور تعمیراتی سامان 13 فیصد اور گاڑیاں 14 فیصد مہنگی ہوئیں۔

مئی دوہزاراٹھارہ میں ن لیگ مہنگائی کی شرح 4 فیصد پر چھوڑ کر گئی۔ نگران حکومت نے اگست 2018 تک پانچ اعشاریہ آٹھ تک پہنچایا جب کہ تحریک انصاف کی حکومت نے جنوری 2019 میں اسے 7.2 فیصد تک پہنچا دیا جو اگست 2014 کے بعد مہنگائی کی بلند ترین شرح ہے۔


  • 33
    Shares